होळी आणि विष-कन्या

लोकांचे बरेच लेख वाचले, सगळे ब्लॉग्स होळीबद्दल भरभरून लिहित होते. होळीची मजा, रंग कसे काय, होळीचे पौराणिक आणि सांस्कृतिक महत्व, होळीचे खाद्यपदार्थ, शिमगा..वगैरे वगैरे काही काही…मला तर काय इथे शक्य नाहीये ते…पण मला पण होळी बद्दल लिहायचे आहे ना…काय केले बर परवा मी? सांगू? एक सिनेमा पहिला; ‘गिल्डा’ नामक. रिटा हेवर्थ नामक अप्सरेचा. मी काही तिचे वर्णन करणे म्हणजे .. त्यापेक्षा तिचा सिनेमा मधला एन्ट्री चा सीन पाहा…


आता बोला…:)

पण पोस्ट काय गिल्डा बद्दल नाहीये..तर त्यामध्ये एक गाणे आहे. ‘पुट द ब्लेम ऑन मेम’ ते इतके अशक्य गाणे आहे. नाचासाठी तर आहेच आहे पण त्यापेक्षाही त्याच्या शब्दांसाठी. अमेरिकेतल्या ३ मुख्य दुर्दैवी घटनांचा उल्लेख करते. जेव्हा शिकागो जळाले तेव्हा, न्यू योर्क ला प्रचंड हिम-वादळ आले तो प्रसंग आणि गेल्या शतकाच्या सुरुवातीचा सान फ्रान्सिस्को चा भूकंप…वास्तविक पाहता या घटना एक तर निसर्गतः घडल्या आहेत किंवा दुर्दैवी आहेत. पण गिल्डा गाण्यात सांगते की हे सगळे बकवास आहे. खरी बाजू तर वेगळीच आहे. मेम नावाची बाई आहे एक तिच्या वागण्यामुळे सगळे घडले. म्हणून तिलाच दोष दिला पाहिजे.

सगळ्या महाभारतांमागे स्त्री असते म्हणे…मग ते रामायण असो, महाभारत असो, एडविना असो, की ही मेम…मग मला चाणक्याची विषकन्या आठवली. तिच्या म्हणे ओठांवर विष लावायचे आणि तिला शत्रूला भुरळ पडायला सोडून द्यायचे..मेनकेचा रोल बजावायला..फेमे फेटल की खरंच. पाकिस्तानसोबतच्या एका युद्धात म्हणे आपण एक जुनी पाणबुडी मुंबईहून कराची जवळ नेऊन सोडली…पाक्यांनी ती पकडली, आणि विजयोन्मादात ती कराची च्या बंदरात डॉक केली. आणि ती खरी फेमे फेटल होती. तिच्यात काय तर दारुगोळा ठासून भरला होता. तिथे जाताच त्याचा विस्फोट झाला…खरं खोटं माहित नाही. लहानपणी कुठेतरी वाचली होती.

दुसऱ्या महायुद्धामध्ये गुप्तहेर म्हणून असलेली एक डच स्त्री. माता हरी असे तिचे नाव…!! ती पण एका अर्थाने विष कन्याच.. मोहिनी अस्त्रच की…किंवा निकोल किडमन चा ‘मुला रूज’ पाहिलंय? किंवा Ann Parillaud ची साकारलेली ‘निकिता’ पाहिलेय का? बेसिक इंस्टीनक्ट मधली शेरॉन स्टोन? हिचकॉक च्या ‘परदाइज केस’ मधली नायिका पाहिली का? सेम तो सेम ‘फेम फेटल’…खरतर हिचकॉक च्या प्रत्येक सिनेमात नवी कोणीतरी नायिका असते आणि ती ब्लोंडच असते..ती एक म्हणच आहे ‘हिचकॉक ब्लोंड’…

असो होळीला काय केले त्यावरून ते विषकन्या असा प्रवास झाला…ते सोडा आणि तुम्ही रिटा हेवर्थ ला बघा…

Advertisements

2 thoughts on “होळी आणि विष-कन्या

  1. bhaanasa

    रिटा हेवर्थचा चेहरा बोलका आहे.:) मला बेसिक इस्टींक्टमधली शेरॉन खूपच आवडली. बाकी ही मेमवर ब्लेम टाकण्याची कल्पना गंमतीशीरच आहे. पोस्ट आवडली. आता या मेमला शोधतेच.

प्रतिक्रिया व्यक्त करा

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदला )

Twitter picture

You are commenting using your Twitter account. Log Out / बदला )

Facebook photo

You are commenting using your Facebook account. Log Out / बदला )

Google+ photo

You are commenting using your Google+ account. Log Out / बदला )

Connecting to %s